काठमाठौं । गत सातादेखि सुधारको क्रममा रहेको पुँजी बजार मापक नेप्से यो साताको दोस्रो दिन आज (सोमबार) पनि १३.५१ अंकले सुधार आएको छ ।
आज निर्जीवन बिमा कम्पनी समूहको सूचक सबैभन्दा बढी १५६.३४ अंकले बढेको छ। साथै, जीवन बिमा कम्पनी समूहको सूचक ६०.९८ अंकले र माइक्रोफाइनान्स समूहको सूचक ५०.४३ अंकले उकालो लाग्न पुगेको छ।
नेप्से बढेर ११४८.८९ अंकमा पुगेको छ। उक्त दिन कुल १२ समूहमध्ये १० समूहको सूचक बढेको छ भने २ समूहको सूचक घटेको छ। म्युचुअल फन्ड समूह र अन्य समूहको सूचक झिनो अंकले ओरालो लाग्न पुग्यो।
उक्त दिन अघिल्लो दिन भन्दा करिव दोब्बर बढी रकम अर्थात ४६ करोड ४२ लाख २० हजार रुपैयाँ बराबरको सेयर कारोबार भएको छ। अघिल्लो दिन आइतबार २८ करोड ७५ लाख २७ हजार रुपैयाँ बराबरको सेयर कारोबार भएको थियो।
उक्त दिन नेपाल बैंकको सेयर सबैभन्दा बढी २ करोड २८ लाख रुपैयाँ बराबरको सेयर कारोबार भएको छ। दोस्रो बढी रकमको कारोबार एनएमबी बैंकको सेयर भएको छ ।
उक्त बैंकको १ करोड ८६ लाख रुपैयाँ बराबरको कारोबार भएको छ । तेस्रो बढी कारोबार हुनेमा डिप्रोक्स लघुवित्त वित्तीय संस्थाको सेयर रहेको छ। उक्त लघुवित्तको १ करोड ७० लाख रुपैयाँ बराबरको सेयर कारोबार भएको छ।
२०७६ मंसिर २३ गते प्रकाशित
वि.सं.२०७६ मंसिर २३ सोमवार १५:३५ मा प्रकाशित
