काठमाडौँ । एनआईसी एशिया बैंक र द्वारिकाज होटल, बत्तीसपुतलीबीच बैंकका ग्राहकलाई ग्रूपका विभिन्न रेस्टुराँमा १५ प्रतिशतसम्मको छूट प्रदान गर्ने सम्झौता भएको छ ।
सम्झौताअनुसार बैंकका डेबिट एवं क्रेडिट कार्ड प्रयोगकर्तालाई द्वारिकाज होटलका तोरण रेष्टुराँ, प्रफ्युजन बार, मोकोज जापनिज रेस्टुराँ, गार्डन अफ ड्रिम्सस्थित केइजर क्याफे, पाटन संग्रहालयस्थित पाटन म्युजियम क्याफेमा १० प्रतिशतसम्म छूट र बत्तीसपुतलीस्थित कृष्णार्पण रेष्टुराँमा १५ प्रतिशतसम्म छूट प्रदान गरिनेछ ।
सम्झौतामा बैंकका सहायक प्रमुख कार्यकारी अधिकृत सन्तोषकुमार राठी र ग्रूपका इन्टरनेशनल मार्के्टिङ एन्ड कम्युनिकेशन म्यानेजर सुनिता गुरुङले आइतवार हस्ताक्षर गरे ।
बैंकका देशभर ३१० शाखा, ४०१ एटीएम, ९३ ओटा एक्स्टेन्शन काउन्टर एवं ४४ ओटा शाखारहित सेवा सञ्चालनमा छन।
२०७६ मंसिर २४ गते प्रकाशित
वि.सं.२०७६ मंसिर २४ मंगलवार ०९:०८ मा प्रकाशित