काठमाडौं । सिभिल बैंक लिमिटेडले संस्थापक शेयर लिलामीमा विक्री गर्ने भएको छ । बैंकले प्रतिशेयर रू. १०० दरमा २० लाख ३० हजार ५९ कित्ता शेयर लिलामीमा विक्री गर्न लागेको हो ।
उक्त शेयर खरीद गर्न योग्य व्यक्ति, कम्पनी, संघ संस्थाहरुले पुस ८ गतेभित्र बैंकको शेयर जिष्टार सिभिल क्यापिटल मार्केटमा शिलबन्दी बोलपत्र पेश गनुपर्ने छ । लगानीकर्ताले न्यूनतम १० हजार कित्तादेखि अधिकतममा सम्पूर्ण कित्ताको लागि आवेदन दिन सक्नेछन् ।
लिलामी शेयरमा आवेदन दिनको लागि मंसिर २४ गतेदेखि पुस ८ गतेसम्म अवधि तोकिएको छ । शेयरको न्यूनतम मूल्य रू. १०० तोकेको हुँदा सोभन्दा बढीको मूल्य अंकित गरी बोलकबोल गर्नुपर्ने हुन्छ । कम्पनीको विक्री प्रबन्धकमा सिभिल क्यापिटल मार्केट लिमिटेड रहेको छ ।
२०७६ मंसिर २५ गते प्रकाशित
वि.सं.२०७६ मंसिर २५ बुधवार १०:१३ मा प्रकाशित