काठमाडौं । युनाइटेड इन्स्योरेन्स कम्पनी (नेपाल) लिमिटेडको संस्थापकतर्फको अवितरित हकप्रद शेयर लिलामीमा विक्री गर्ने भएको छ ।
कम्पनीले प्रतिशेयर रू. १०० दरमा १ लाख ५७ हजार ६४९ दशमलव ६० कित्ता शेयर लिलामीमा विक्री गर्न लागेको हो । उक्त शेयर खरीद गर्न इच्छुक व्यक्ति, संघ संस्थाहरुले पुस १० गतेभित्र बैंकको शेयर रजिष्टार एनएमबि क्यापिटल तथा एनएमबि बैंकको शाखा कार्यालयमा शिलबन्दी बोलपत्र पेश गनुपर्ने छ ।
लगानीकर्ताले न्यूनतम १ हजार कित्ता वा सो भन्दा बढिको लागि १० अंकले भाग जाने संख्या र अधिकतममा सम्पूर्ण कित्ताको लागि आवेदन दिन सक्नेछन् ।
लिलामी शेयरमा आवेदन दिनको लागि पुस ३ गतेदेखि १० गतेसम्म अवधि तोकिएको छ । शेयरको न्यूनतम मूल्य रू. १०० तोकेको हुँदा सोभन्दा बढीको मूल्य अंकित गरी बोलकबोल गर्नुपर्ने हुन्छ । कम्पनीको विक्री प्रबन्धकमा एनएमबि क्यापिटल लिमिटेड रहेको छ ।
२०७६ मंसिर २६ गते प्रकाशित
वि.सं.२०७६ मंसिर २६ बिहीवार १०:४५ मा प्रकाशित