आइतवार सार्वजनिक विदा

काठमाडौं । आइतवार अर्थात मंसिर २९ गतेका दिन सार्वजनिक विदा दिइएको छ । एक सूचना निकाल्दै किराँत सिरिजंगा लिपीका पुर्नउत्थानकर्ता सिरिजंघा सिन थेवेको जन्म जयन्तिको अवसरमा सिरिजंघा गाउँपालिकाले आइतबार सार्वजनिक विदा दिएको हो ।

थेवे इसापूर्व १७०४ मंसिर २९ गते तत्कालिन तेल्लोक गाविसमा जन्मिएका थिए । सो स्थान हाल सिरिजंगा गाउँपालिका ४ मा पर्छ । मंसिर २ गते बसेको कार्यपालिकाको बैठकले हरेक वर्ष मंसिर २९ गते सार्वजनिक विदा दिने निर्णय गरेको गाउँपालिका अध्यक्ष टिकाराम गुरुङले जानकारी दिए ।

’हाम्रै गाउँपालिकामा जन्मिनुभएका उहाँले किराँत धर्म, भाषा र साहित्यको उत्थानमा योगदान गर्नुभएको थियो, गुरुङले भने, ’ सम्मानस्वरुप स्थानीय तहको नाम नै सिरिजंगा राखिएको हो र यस वर्षदेखि विदा समेत दिन थालेका छौं ।’

भाषा र लिपीको प्रचार गरेको भन्दै तत्कालिन शासकले थेवेको हत्या गरेको थियो । ऐतिहाँसिक व्यक्तित्वको जन्मजयन्तिमा स्थानीय तहले विदा दिनु सकरात्मक भएको किराँत धर्म तथा साहित्य उत्थान संघ ताप्लेजुङका सचिव ज्ञानु लिम्बुले प्रतिक्रिया दिए ।

२०७६ मंसिर २७ गते प्रकाशित

२०७६ मंशिर २७ गते १५:५९ मा प्रकाशित

You can share this post!

विर्सनुभयो कि एनएमबि लघुवित्तको १५०% हकप्रद भर्न ? अब १ कार्यदिन मात्र बाँकी

फेरि सार्वजनिक भयो करार शिक्षकको अर्को थप नयाँ सूचि (जिल्ला र नामसहित)

Related posts