वैद्यज अर्गनाइजेशनको तीनवटा नयाँ उत्पादन : हेभी इक्विपमेन्ट बिक्रीमा क्षमता विस्तार

काठमाडौं । वैद्यज अर्गनाइजेशन अफ इण्डस्ट्रिज एण्ड ट्रेडिङ हाउसेज (भोइथ) अन्तर्गत युहिम ’युनाइटेड हेभी इक्विपमेन्ट एण्ड अर्थमुभर्स’ ले तीनवटा नयाँ उत्पादन सार्वजनिक गरेको छ ।

एक वर्ष अगाडि (सन् २०१८) मा स्थापना भएको कम्पनीले आइतबारबाट सनवार्ड, सिनोम्याक र नियोसन कम्पनीका एक्साभेटर, ग्रेडर र ब्रेकर लगायत अत्याधुनिक उपकरणको औपचारिक रुपमा विक्री वितरण सुरू गरेको छ ।

कम्पनीका अनुसार सनवार्ड, सिनेम्याक र नियोसन कम्पनीको हेभि इक्विपमेन्टमा जापान, दक्षिण कोरिया, जर्मनी लगायत मुलुकमा उत्पादित अन्तर्राष्ट्रिय स्तरको इन्जिन र स्पेयर पार्ट्स समावेश गरिएको छ।

यी उपकरण हुण्डाई र कोमात्सुलगायत कम्पनीको उपकरणमा पनि प्रयोग गरिएको कम्पनीले जनाएको छ । चिनिया उपकरण कमसल रहने धारणालाई हटाउँदै अन्तर्राष्ट्रिय स्तरको उपकरणले ग्राहकको विश्वास जित्ने कम्पनीले जनाएको छ ।

क्याटरपिलर, कोमात्सु र कोबेल्को लगायत प्रतिस्पर्धी कम्पनीका हेभी इक्विपमेन्ट आफ्नो प्रतिस्पर्धी रहेको कम्पनीले जनाएको छ ।

युहिमले निर्माण उपकरणको गुणस्तर, प्रविधि र विश्वसनियतामा कहिल्यै सम्झौता नगर्ने विज्ञप्तिमा उल्लेख गरेको छ ।कम्पनीले आयात गरेको निर्माण उपकरणले मुलुकको ’ए क्लास, बी क्लास,’ विदेशी कन्ट्र्याक्टर साथै हाइड्रोपावर क्षेत्रमा टेवा र्पुयाउने जनाएको छ ।

कम्पनीले बिक्री वितरण गर्दै आएको उपकरण धादिङ, बुटवल, कपिवस्तु, सिन्धुली, काभ्रे, रामेछाप, सोलुखुम्बु र चितवन लगायतका क्षेत्रका निर्माण स्थलमा प्रयोग हुँदै आएको जनाएको छ ।

ग्राहकले धुम्बराहीस्थित कम्पनीको प्रमुख कार्यालयमा बिक्री पछिको सेवा लिन र स्पेयर पार्ट्स खरिद गर्न सक्ने कम्पनीले जनाएको छ ।  कम्पनीका अनुसार ग्राहक लक्षित सुविधाका लागि भैरहवामा पनि आफ्नो शाखा सञ्चालनमा ल्याइसकेको छ ।

२०७६ मंसिर ३० गते प्रकाशित

२०७६ मंशिर ३० गते ११:४४ मा प्रकाशित

You can share this post!

यस्ता छन् लोकसेवा आयोगको छुट्टाछुट्टै कार्यालयले निकालेका जरुरी सूचनाहरु

स्थायी नियुक्ति लिएका शिक्षकले तोकिएकै जिल्लामा हाजिर हुनुपर्ने

Related posts