काठमाडौं । दुई दिनमै सेयर बजार १८.५४ अंकले ओरालो लागेको छ । अघिल्लो सातादेखि सुधारको क्रममा रहेको पूँजी बजार मापक नेप्से यो साताको पहिलो कारोबार दिन आइतबार ४.७८ अंकले र आज (सोमबार) १३.७५ अंकले घटेको छ।
आज निर्जीवन बिमा कम्पनी समूहको सूचक सबैभन्दा बढी १ सय ७२.०९ अंकले घटेकोे छ। साथै, जीवन बिमा कम्पनी समूहको सूचक पनि १ सय ३६.५३ अंकले ओरालो लाग्न पुग्यो ।
उक्त दिन कुल १२ समूहकै सूचक ओरालो लाग्न पुग्यो। नेप्से घटेर ११५४.११ अंकमा आइपुगेको छ ।उक्त दिन अघिल्लो दिन भन्दा निकै कम रकमको कारोबार हुन पुग्यो।
अघिल्लो दिन ६८ करोड ६० लाख ७६ हजार रुपैयाँ बराबरको सेयर कारोबारमा आज ४० करोड ७९ लाख रुपैयाँको मात्र कारोबार भएको छ ।
उक्त दिन एनएमबी बैंकको सेयर सबैभन्दा बढी ४ करोड ५६ लाख रुपैयाँ बराबरको सेयर कारोबार भएको छ । दोस्रो बढी रकमको कारोबार स्वलम्बन लघुवित्तको सेयर भएको छ ।
उक्त लघुवित्तको २ करोड ३४ लाख रुपैयाँ बराबरको कारोबार भएको छ । तेस्रो बढी कारोबार हुनेमा एनआइसी एशिया बैंकको सेयर रहेको छ । उक्त बैंकको १ करोड ९५ लाख रुपैयाँ बराबरको सेयर कारोबार भएको छ ।
२०७६ मंसिर ३० गते प्रकाशित
वि.सं.२०७६ मंसिर ३० सोमवार १५:२६ मा प्रकाशित