२०७६ पुस ०१ गते प्रकाशित
काठमाडौ । एनआईसी एशिया बैंकले एकै साथ काठमाडौंमा ६ नयाँ शाखा सोमबार औपचारिक उद्घाटन भएका छन ।
काठमाडौं महानगरपालिका वडा नं. १६ मा बोहोराटार शाखाको स्थानीय टोल सुधार तथा उपभोक्ता समितिका अध्यक्ष कालिका प्रसाद घिमिरे, काठमाडौं महानगरपालिका वडा नं. १४ कलंकीस्थित खसीबजार शाखाको वडा अध्यक्ष शोभा सापकोटा, महानगर वडा नं. १६, माछापोखरीमा वडा अध्यक्ष मुकुन्द रिजालले उद्घाटन गरेका छन् ।
त्यस्तै महानगर वडा नं. ३२ नरेफाँट शाखा वडा अध्यक्ष नवराज पराजुली, महानगर वडा नं. २८, पुतलीसडक शाखा वडा अध्यक्ष भाइ राम खड्गी र महानगर वडा नं. ३ मा स्वयम्भू शाखाको वडा अध्यक्ष प्रेमलाल श्रेष्ठले एक कार्यक्रमका बिच उद्घाटन गरेका छन ।
बैंकको मुलुकभर ३११ शाखा कार्यालयहरु, ४०३ एटिएम, ९५ वटा एक्स्टेन्सन काउण्टर एवं ४४ वटा शाखारहित बैंकिङ्गमार्फत् बैंकिङ्ग सेवा प्रदान गर्ने मुलुककै सबैभन्दा ठूलो शाखा सञ्जाल भएको बैंक हुन सफल भएको छ ।
करिब १९ लाख ग्राहक महानुभावहरूका साथ सञ्चालनमा रहेको यस बैंकका प्रमुख वित्तीय परिसूचकहरु अत्यन्त उत्साहप्रद रहेका छन् ।
बैंकले गत आर्थिक वर्षमा प्रत्यक्ष र अप्रत्यक्ष गरी करिब ३ अर्ब १५ करोड रुपैयाँ भन्दा बढी राजश्व नेपाल सरकारलाई भुक्तानी गरिसकेको कार्यकारी अधिकृत सुधिर नाथ पाण्डेले बताए ।
वि.सं.२०७६ पुस १ मंगलवार ११:०६ मा प्रकाशित