काठमाडौं । भारतीय शेयर बजार बुधवार अहिलेसम्मकै नयाँ उचाइमा पुगेको छ । नेपाली समय १२ः५० सम्ममा सेन्सेक्स परिसूचक १३७ दशमलव २९ ले बढेर ४१ हजार ४८९ दशमलव ४६ को बिन्दुमा पुगेको छ भने निफ्टी पनि ३९ दशमलव ४० अंकले बढेर १२ हजार २०४ दशमलव ४० को विन्दुमा पुगेको छ ।
दुबै इन्डेक्स भारतीय शेयर बजारमा हालसम्मकै सबैभन्दा उच्च विन्दुमा पुगेको भारतीय सञ्चारमाध्यमहरुले बताएका छन् । मंगलवार बीएसईको मुख्य सूचांक सेन्सेक्स ४१३ दशमलव ४५ बढेर ४१ ह्जार ३५२ दशमलव १७ अंकमा बन्द भएको थियो भने एनएसईको निफ्टी पनि १११ दशमलव शून्य ५ बढेर १२ हजार १६५ अंकमा बन्द भएको थियो ।
सेन्सेक्समा टाटा स्टिल,टीसीएस,महिन्द्रा एण्ड महिन्द्रा,टाटा मोटर्स एचडीएफसी बैंक लगायत प्रविधि कम्पनीको शेयर बढेका छन् ।(एजेन्सीको सहयोगमा)
२०७६ पुस ०२ गते प्रकाशित
वि.सं.२०७६ पुस २ बुधवार १२:५५ मा प्रकाशित