काठमाडौं । शुक्रवार तीन कम्पनीको साधारण सभा हुँदैछ । युनियन लाइफ इन्स्योरेन्स, गणपति माइक्रोफाइनान्स र रिडी हाइड्रोपावर कम्पनीले सभा गर्न लागेका हुन ।
युनियन लाइफले रुपन्देही, गणपति माइक्रोफाइनान्सले तनहुँ र रिडी हाइड्रोले काठमाडौंमा सभा बोलाएका छन । सर्वसाधारणका लागि आईपीओ जारी गर्ने प्रस्ताव पारित गरिसकेको युनियन लाइफले यस वर्ष आव २०७४/७५ को वार्षिक प्रतिवेदन पारित गर्नेछ भने आव २०७५/७६ को लागि लेखा परिक्षक नियुक्ति गरी निजको पारिश्रमिक निर्धारण गर्नेछ ।
गणपति माइक्रोफाइनान्सले ७ प्रतिशत बोनस शेयर र शून्य दशमलव ३७ प्रतिशत नगद लाभांशको प्रस्ताव सभामा पेश गर्दैछ ।
साथै ५० प्रतिशत हकप्रदको प्रस्ताव समेत सभाका लागि तय गरिएको छ । गणपतिले सभाका लागि मंसिर १८ गतेदेखि बुक क्लोज गरेको छ ।
त्यस्तै रिडी हाइड्रोले ५ प्रतिशत बंोनस शेयर र शून्य दशमलव २६ प्रतिशत नगद लाभांश पारित गर्नेछ । रिडीले सभा प्रयोजनका लागि मंसिर १९ गते एक दिन बुक क्लोज गरेको छ ।
सभा युनियन लाइफको विहान १० बजे, गणपति माइक्रोफाइनान्सको दिउसो ३ बजे र रिडी हाइड्रोको अपराहन्ह १२ः३० बजे शुरु हुनेछ ।
२०७६ पुस ०३ गते प्रकाशित
वि.सं.२०७६ पुस ३ बिहीवार १५:२७ मा प्रकाशित