काठमाडौं । सांग्रिला डेभलपमेन्ट बैंकले ८.९६ प्रतिशत नगद लाभांश दिने घोषणा गरेको छ । बैंकको शुक्रबार बसेको सञ्चालक समिति बैठकले गत वर्षको नाफाबाट कर सहित यो नगद लाभांश दिने प्रस्ताव गरेको हो ।
यसर्थ, बैंकले २३ करोड ३५ लाख ३७ हजार २९६ रुपैयाँको नगद लाभांश वितरण गर्नेछ । सञ्चालक समितिको निर्णय नेपाल राष्ट्र बैंक र आगामी वार्षिक साधारण सभाले अनुमोदन गरेपछि मात्र यो कार्यान्वयन हुनेछ ।
गत वर्ष बैंकले ४ प्रतिशत बोनस सेयर र ५.४५ प्रतिशत नगद गरी कूल ९.४५ प्रतिशत लाभांश वितरण गरेको थियो । हाल सांग्रिलाको चुक्ता पुँजी २ अर्ब ६० करोड ६६ लाख रुपैयाँ छ ।
चालु आर्थिक वर्षको पहिलो त्रैमासमा बैंकले ५ करोड ४८ लाख रुपैयाँ खुद नाफा कमाएको छ ।
२०७६ पुस ०४ गते प्रकाशित
वि.सं.२०७६ पुस ४ शुक्रवार १३:२१ मा प्रकाशित
