काठमाडौं । सातामा कारोबारको पहिलो दिन आइतबार नेपाल स्टक एक्सचेन्ज (नेप्से) परिसूचकमा सामान्य अंकको सुधार देखिएको छ ।आइतबार परिसूचक १ दशमलव १७ अंकले बढेर १ हजार १ सय ५० दशमलव ८१ अंकमा कायम भएको छ।
आइतबार १ सय ६७ वटा कम्पनीको १४ लाख ८८ हजार ३ सय ४ कित्ता सेयर ६ हजार ८७ पटक खरिदबिक्री हुँदा ३७ करोड ४४ लाख ६६ हजार ४ सय ६५ रुपैयाँ बराबरको कारोबार भएको छ।
आइतबार सबैभन्दा धेरै शिवम् सिमेन्टको ४ करोड ७६ लाख ८१ हजार र एनएमबी बैंकको ३ करोड ३३ लाख ६६ हजार रुपैयाँ बराबरको कारोबार भएको छ।
आइतबार बैंकिङ, व्यापार, जलविद्युत, वित्त, निर्जीवन बीमा र जीवन बिमा कम्पनीको उपसूचक घटेको छ भने बाँँकी अरु समूहको उपसूचक बढेको छ।
आइतबारको कारोबारमा सबैभन्दा बढी कमाउनेमा शिवम् सिमेन्टका लगानीकर्ताले प्रतिकित्ता ९ दशमलव ७६ प्रतिशतका दरले कमाएका छन् ।
त्यस्तै सबैभन्दा धेरै गुमाउनेमा नेपाल फाइनान्स लिमिटेडका लगानीकर्ताले प्रतिकित्ता ९ दशमलव ८१ प्रतिशतका दरले गुमाएका छन् ।
२०७६ पुस ०६ गते प्रकाशित
वि.सं.२०७६ पुस ६ आइतवार १५:२४ मा प्रकाशित