काठमाडौं । नेपाल स्टक एक्सचेन्ज (नेप्से) ले ४० प्रतिशत लाभांश वितरण गर्ने भएको छ । नेप्सेको हाल कायम चुक्ता पूँजी ५० करोड रुपैयाँको ४० प्रतिशतले हुन आउने २० करोड रुपैयाँ बराबरको नगद लाभांश वितरण गर्ने भएको हो ।
नेप्सेले नगद लाभांश प्रस्ताव पारित गर्न आगामी पुस २९ गते मंगलबार ३८ औं वार्षिक साधारणसभा बोलाएको छ । हाल नेप्सेका सरकारको ५८.६६ प्रतिशत, राष्ट्र बैंकको १४.६० प्रतिशत, कर्मचारी सञ्चय कोषको १० प्रतिशत, प्रभु र लक्ष्मी बैंकको पाँचरपाँच प्रतिशत, राष्ट्रिय वाणिज्य बैंकको ६.१२ प्रतिशत र ब्रोकर संघको ०.६२ प्रतिशत शेयर हिस्सा छ।
नेप्सेको शेयरधनीमा कर्मचारी सञ्चय कोष सहित प्रभु र लक्ष्मी बैंकको प्रवेश भएको हो । नेपाल राष्ट्र बैंकको स्वमित्वमा रहेको शेयर स्वामित्व घटाएर नयाँ शेयरनधी संस्थाहरुको प्रबेश भएका हुन।
२०७६ पुस ०८ गते प्रकाशित
वि.सं.२०७६ पुस ८ मंगलवार १२:१३ मा प्रकाशित
