काठमाडौं । नेपाल राष्ट्र बैंकले दैनिक २० किलो मात्र सुन आयात गर्न पाउने व्यवस्था गरेको छ । केन्द्रीय बैंकले बुधबार निर्देशन जारी गरी दैनिक २० किलो मात्र सुन आयातको व्यवस्था मिलाउन नेपाल बैंकर्स संघलाई निर्देशन दिएको हो ।
आयात गरिएको सुनको गुणस्तर ९९.९९ प्रतिशत हुनुपर्ने छ । रसिदमा सुनको ब्राण्ड र शुद्धता उल्लेख हुनुपर्ने राष्ट्र बैंकले जनाएको छ ।
यस्तै १००, २०० र ५०० ग्रामको परिमाणमा आयात गरी बिक्री वितरण गर्न बैंकहरुलाई राष्ट्र बैंकको निर्देशन रहेको छ ।
२०७६ पुस १० गते प्रकाशित
वि.सं.२०७६ पुस १० बिहीवार ०९:११ मा प्रकाशित