काठमाडौं । यस साता नेपाल स्टक एक्सचेञ्ज (नेप्से) परिसूचकमा १७ दशमलव ७७ अंकको वृद्धि देखिएको छ ।
सातामा कारोबारको पहिलो दिन आईतबार १ हजार १ सय ४९ दशमलव ६५ अंकको बिन्दुमा रहेको नेप्से परिसूचक कारोबारको अन्तिम दिन बिहीबार १ हजार १ सय ६७ दशमलव ४२ अंकमा कायम भएको छ ।
बिहीबार मात्र नेप्से शुन्य दशमलव ६२ अंकले घटेको छ । बिहीबार १ सय ७२ वटा कम्पनीको १ लाख ४१ हजार २ सय ११ कित्ता सेयर ६ हजार पटक खरिदबिक्री हुँदा ५८ करोड ८६ लाख ७७ हजार ८ सय ८७ रुपैयाँ बराबरको कारोबार भएको छ ।
बिहीबार बैंकिङ, व्यापार, विकास बैैंक र जीवन बिमा समूहको उपसूचक क्रमशः शुन्य दशमलव ६९, ३५ दशमलव ७२, २ दशमलव २९ र १६ दशमलव ५५ अंकले बढेको छ भने बाँकी सबै समूहको उपसूचक घटेको छ । सबैभन्दा धेरै निर्जीवन बिमा समूहको उपसूचक २४ दशमलव ६७ अंकले घटेको छ ।
कारोबार रकम र कारोबार सेयर संख्याका आधार नेपाल बैंक लिमिटेड पहिलो स्थानमा देखिएको छ । नेपाल बैंकको ४ लाख १७ हजार ३ सय ४० कित्ता सेयर खरिदबिक्री हुँदा १३ करोड २२ लाख ११ हजार २ सय ४८ रुपैयाँ बराबरको कारोबार भएको छ ।
सबैभन्दा धेरै कमाउनेमा नेपाल सेवा लघुवित्त वित्तीय संस्था लिमिटेडका लगानीकर्ताले प्रतिकित्ता ८ दशमलव ८० प्रतिशतका दरले कमाएका छन् भने सबैभन्दा बढी गुमाउनेमा पाँचथर पावर कम्पनी लिमिटेडका लगानीकर्ताले प्रतिकित्ता ७ दशमलव ६२ प्रतिशतका दरले गुमाएका छन् ।
२०७६ पुस १० गते प्रकाशित
वि.सं.२०७६ पुस १० बिहीवार १६:१५ मा प्रकाशित