काठमाडौं । आइतवार (पुस १३ गते) मानुषी लघुवित्त र निर्धन उत्थान लघुवित्त वित्तीय संस्थाले वार्षिक साधारण सभा बोलाएका छन् ।
मानुषीले पहिलो साधारण सभा लहरीखर्क रिसोर्ट बनेपामा बिहान ११ बजे सभा बोलाएको हो । सभाले गत आर्थिक वर्षको वार्षिक प्रतिवेदन पारित, चालू आर्थिक वर्षका लागि लेखा परीक्षक नियुक्ति र निजको पारिश्रमिक निर्धारण गर्नेछ ।
साथै, कुनै पनि लघुवित्त वित्तीय संस्थासँग मर्जरमा जाने वा प्राप्ति गर्ने विषयमा छलफल गरी सम्पूर्ण अख्तियारी सञ्चालक समितिलाई प्रदान गर्ने कार्यक्रम सभाका लागि तय भएको छ ।
निर्धन उत्थान लघुवित्तले सेलिब्रेसन बैंक्वेट, नक्साल, काठमाडौंमा बिहान १०ः३० बजे सभा बोलाएको हो । सभाले गत आर्थिक वर्षको वार्षिक प्रतिवेदनमाथि छलफल तथा पारित गर्नुका साथै चालू आवको लागि लेखापरीक्षक नियुक्ति र निजको पारिश्रमिक निर्धारण गर्नेछ ।
साथै, प्रस्तावित २५ प्रतिशत बोनस शेयर र १५ दशमलव ५३ प्रतिशत नगद लाभांश समेत पारित गर्नेछ । साधारण सभाका लागि निर्धन उत्थानले मंसिर ३० गतेदेखि बुक क्लोज गरेको छ ।
यसर्थ मंसिर २९ गतेसम्मका कायम सदस्यहरुमात्र सभामा भाग लिन र लाभांश प्राप्त गर्न योग्य भएका छन् ।
२०७६ पुस ११ गते प्रकाशित
वि.सं.२०७६ पुस ११ शुक्रवार १७:२७ मा प्रकाशित
