काठमाडौं । साताको दोस्रो दिन सेयर बजार ५.५ अंक बढेको छ । सोमबार नेपाल स्टक एक्सचेन्ज (नेप्से) परिसुचक १ हजार १६७.९५ अंकमा पुगेको छ ।
सोमबार ६२ करोड २३ लाख रुपैयाँ बराबरको १४ लाख ९१ हजार कित्ता सेयर किनबेच भएको छ । सोमबार सबैभन्दा बढी नेपाल लाइफ इन्स्योरेन्स कम्पनी लिमिटेडको सेयर किनबेच भएको छ ।
नेपाल लाइफको प्रतिकित्ता ९८० रुपैयाँमा १० करोड ८ लाख रुपैयाँको सेयर किनबेच भएको छ । यस्तै शिवम सिमेन्ट लिमिटेडको प्रतिकित्ता ४६६ रुपैयाँमा ५ करोड रुपैयाँको सेयर कारोबार भएको नेप्सेले जनाएको छ ।
यस्तै सिद्धार्थ बैंकको ऋणपत्र एसबीएल डिवेञ्चर प्रतिकित्ता ९७५ रुपैयाँमा ४ करोड ८७ लाख रुपैयाँको किनबेच भएको छ । बैंक, वित्त र जलविद्युतको सेयर मूल्य घटेको छ भने व्यापार, होटल, बीमा, लघुवित्त र उत्पादनमुलक क्षेत्रको सेयर मूल्य बढेको छ ।
शिवम सिमेन्ट, स्वदेशी लघुवित्त वित्तीय संस्था, एसियन लाइफ इन्स्योरेन्स र लाइफ इन्स्योरेन्स कर्पोरेशन नेपाल लिमिटेडका लगानीकर्ताले कमाएका छन ।
२०७६ पुस १४ गते प्रकाशित
वि.सं.२०७६ पुस १४ सोमवार १६:२६ मा प्रकाशित
