काठमाडौं । पुस १५ र १६ गतेका दिन सार्वजनिक विदा दिएको छ । एक सूचना निकाल्दै संखुवासभाको सिलिचोङ गाउँपालिकाले कुलुङ जातीको प्रमुख पर्व मिनारी दाचाम निङ्दोङ चाक्चाकुरको अवसरमा सार्वजनिक विदा दिने निर्णय गरेको छ ।
कुलुङ जातिहरुको बाहुल्य रहेको सिलिचोङ गाउँपालिमा पुष १५ र १६ गते सार्वजनिक विदा दिने गाउँपालिकाले जनाएको छ ।
गाउँपालिकाको पुस १३ गते बसेको कार्यपालिका बैठकले सार्वजनिक बिदा दिने निर्णय गरेको गाउँपालिका अध्यक्ष राम कुलुङले जानकारी दिए ।
कार्यपालिका बैठकले दुई दिन गाउँपालिका भित्रका सरकारी कार्यालय र शिक्षण संस्थाहरु बन्द हुने गाउँपालिका अध्यक्ष कुलुङले बताए ।
गाउँपालिकाले विदा दिने निर्णय गरेसँगै गाउँपालिकाले सार्वजनिक सुचना सार्वजनिक गरेको छ । गाउँपालिकाले गत बर्ष पनि दुई दिन सार्वजनिक विदा दिएको थियो ।
पुस १५ बाट नयाँ बर्ष सुरुवात हुने कुलुङ समुदायको भनाइ छ । कुलुङ समुदायले प्रत्येक बर्षको पुस १५, १६ र १७ गते चाक्चाकुर पर्व मनाउदै गरेका छन् ।
कुलुङ समुदायले यस चार्डलाई मिनारी दाचाम चासुम् भनिए पनि चाक्चाकुर महिनामा यो पर्व पर्ने भएकोले यसलाई चाक्चाकुर भनिने गरेको छ । कुलुङ परम्परा र मान्यता अनुसार पौष महिनालाई चाक्चाकुर भनिन्छ ।
२०७६ पुस १४ गते प्रकाशित
वि.सं.२०७६ पुस १४ सोमवार १७:२२ मा प्रकाशित
