काठमाडौं । मंसिर महिनामा एनआइसी एसिया ग्रोथ फन्डको प्रतिइकाई मूल्य कात्तिकको तुलनामा ३१ पैसाले बढेको छ ।
कात्तिकमा ९ रुपैयाँ ६४ पैसा रहेको यो फन्डको मंसिरमा बढेर ९ रुपैयाँ ९५ पैसा कायम भएको छ । एनआइसी एसिया ग्रोथ फन्डको सूचीकृत सेयरमा लगानी पनि ३.५४५ ले बढेको छ । फन्डले सूचीकृत सेयरमा ५२ करोड २१ लाख ३२ हजार ४८१ रुपैयाँ लगानी गरेको छ ।
अघिल्लो महिना सूचीकृत सेयरमा लगानी ५० करोड ४२ लाख ५२ हजार ४६५ रुपैयाँ मात्र रहेको थियो । मंसिर महिनासम्म फन्डले ६७ वटा कम्पनीमा लगानी गरेको छ ।
यस फन्डको सबैभन्दा बढी सेयर लगानी नेपाल लाइफ इन्सुरेन्समा रहेको छ । नेपाल लाइफको ४७ हजार ८३२ कित्ता सेयरमा ४ करोड २३ लाख ७१ हजार १७८ रुपैयाँ लगानी रहेको छ ।
यता, बैंक मौंज्दात भने ०.७४५ ले घटेर १७ करोड ३२ लाख ७१ हजार ३४६ रुपैयाँमा आइपुगेको छ । अघिल्लो महिना यस फन्डको बैंक मौंज्दात १७ करोड ४५ लाख ६५ हजार २२२ रुपैयाँ रहेको थियो ।
२०७६ पुस १५ गते प्रकाशित
वि.सं.२०७६ पुस १५ मंगलवार १०:५२ मा प्रकाशित