काठमाडौं । नेपाली बजारमा सुनको मूल्य फेरि बढेको छ । मंगलवार सुनको मूल्य प्रतितोला रू.७३ हजार ५०० मा कारोबार भइरहेको छ ।
यो अघिल्लो दिनको तुलनामा रू.२०० ले बढी हो । यसैगरी मंगलवार तेजाबी सुन भने प्रतितोला रू.७३ हजार २००मा कारोबार भइरहेकोे नेपाल सुन चाँदी व्यावसायी महासंघले जनाएको छ ।
नेपाली बजारमा गत भदौ १८ गते सबैभन्दा उच्च मूल्य अर्थात रू.७३ हजार ५०० मा कारोबार भएको थियो । मंगलवार सुनसँगै चाँदीको मूल्य पनि वृद्धि भएको छ ।
चाँदी प्रतितोला रू.९०० मा कारोबार भइरहेको छ ।अघिल्लो दिन चाँदी प्रतितोला रू. ८९० कारोबार भएको थियो । सुन तथा चाँदीको मूल्य अन्तरराष्ट्रिय बजारमा आएको वृद्धिसँगै नेपाली बजारमा वृद्धि भएको व्यावसायीहरुले बताएका छन ।
२०७६ पुस १५ गते प्रकाशित
वि.सं.२०७६ पुस १५ मंगलवार १३:०८ मा प्रकाशित