काठमाडौं । एनआईसी बैंकले काठमाडौंको ढुंगेधारा, नर्सरी चोकमा नयाँ शाखा सञ्चालनमा ल्याएको छ । ग्रामीण तथा सहरी क्षेत्रमा आफ्नो उपस्थितिलाई थप दरिलो बनाउने उद्देश्यले शाखा खोलिएको बैंकले जनाएको छ ।
काठमाडौं १६, ढुंगेधारामा पूर्वसांसद भीष्मनाथ अधिकारीले आज उदघाटन गरे । यो शाखा सञ्चालनसँगै यस क्षेत्रका बासिन्दालाई सेवा प्राप्त गर्न सहज हुने सूचना अधिकारी सुधीरनाथ पाण्डेले जनाए ।
उनका अनुसार मुलुकभर बैंकका ३१३ शाखा कार्यालय, ४०६ एटीएम, १०२ एक्स्टेन्सन काउन्टर तथा ४५ शाखारहित बैंकिङमार्फत सेवा प्रदान गरिरहेको छ ।
२०७६ पुस १५ गते प्रकाशित
वि.सं.२०७६ पुस १५ मंगलवार १६:१७ मा प्रकाशित