आजैदेखि लागू हुनेगरि राष्ट्रिय वाणिज्य बैंकले सार्वजनिक गर्यो नयाँ ब्याजदर, कुनमा कति ?

काठमाडौं । राष्ट्रिय वाणिज्य बैंकले नयाँ ब्याजदर सार्वजनिक गरेको छ । बैंकले सार्वजनिक गरेको नयाँ ब्याजदरमा मुद्दतिमा व्यक्तिगत तर्फ ९.२५ र संस्थागत रुपमा ८.५० प्रतिशत रहेको छ ।

यस्तै बचत तर्फ ६ प्रतिशतसम्म ब्याज रहेको छ । बैंकले स्वदेशी तथा विदेशी मुद्रा बचतमा फरक-फरक ब्याजदर रहेको छ । बैंकले कर्जाको ब्याजदर पनि सार्वजनिक गरेको छ ।

बैंकको मंसिर महिनासम्म आधार दर ६.७९ प्रतिशत रहेको छ । बैंकबाट कर्जा लिँदा १२.१९ प्रतिशत ब्याज लाग्ने छ ।अन्य बैंक भन्दा राष्ट्रिय वाणिज्य बैंकको ब्याजदर निकै कम रहेको छ । बैंकबाट सेयर धितो कर्जा। मोर्टगेज कर्जा, सुन कर्जा, व्यक्तिगत कर्जा लिँदा १२.१९ प्रतिशत ब्याज लाग्ने बैंकले जनाएको छ ।

यस्तै बैंकबाट हायर पर्चेज कर्जा, कर कर्जा लिँदा ११.६९ प्रतिशत ब्याज लाग्ने छ । बैंकका अनुसार गाडी कर्जा १०.७९, विद्युतीय सवारी साधन कर्जा ८.७९, शैक्षिक कर्जा १०.१९ प्रतिशत ब्याज लाग्ने छ ।

२०७६ पुस १६ गते प्रकाशित

२०७६ पौष १६ गते १५:१४ मा प्रकाशित

You can share this post!

‘भ्रमण वर्ष प्रवर्द्धनमा सहयाेग गराैँ’

नेप्सेमा सामान्य अंकको सुधार

Related posts