काठमाडौं । राष्ट्र बैंकले दुई वित्तीय संस्थालाई एकीकृत कारोवारका लागि अन्तिम स्वीकृति दिइएको छ । स्वीकृति दिएसंगै कालिका र जनसेवी लघुवित्तले पुस २३ गतेबाट एकीकृत कारोबार सुरु गर्ने भएका हुन ।
दुवै कम्पनीलाई एकीकृत कारोबारका लागि नेपाल राष्ट्र बैंकले पुस २ गते र कम्पनी रजिष्ट्रार कार्यालयले पुस ११ गते एकीकृत कारोबार गर्न अन्तिम स्वीकृति दिइसकेका छन ।
अब कालिका लघुवित्त वित्तीय संस्थाको नामबाट एकीकृत कारोबार हुनेछ । दुवै कम्पनीको असोज २५ गते सम्पन्न विशेष साधारण सभाले मर्जर सम्बन्धि प्रस्ताव पारित गरेका थिए ।
मर्जरपछि कम्पनीको केन्द्रीय कार्यालय हाल कालिका लघुवित्तको केन्द्रीय कार्यालय रहेको स्थान स्याङ्जा जिल्ला, वालिङ वडा नं ८ मा हुनेछ ।
२०७६ पुुस १८ गते प्रकाशित
वि.सं.२०७६ पुस १८ शुक्रवार १०:४२ मा प्रकाशित
