काठमाडौं । मिर्मिरे लघुवित्त वित्तीय संस्थाको ४५ प्रतिशत बोनस सेयरमा मूल्य समायोजन भएको छ । समायोजनपछि प्रतिकित्ता ६२० रुपैयाँलाई आधार मानेर आइतबार मिर्मिरेको सेयर कारोबार खुल्नेछ ।
पुस २८ गते साधारण सभा बोलाएको यस कम्पनीले शुक्रबार (पुस १८ गते) देखि बुक क्लोज गरेको हो । बिहीबार (पुस १७ गते) सम्म सेयर किन्ने लगानीकर्ताले प्रस्तावित लाभांश पाउने छन् । सभा मिराबल रिसोर्ट एण्ड होटल, धुलिखेल–३ काभ्रेपलान्चोकमा बिहान ११ बजे सुरु हुनेछ ।
साधारण सभामा गत वर्षको नाफाबाट ४५ प्रतिशत बोनस सेयर र कर प्रयोजन सहित २.३६ प्रतिशत नगद लाभांश वितरण गर्ने प्रस्ताव पेश गरिदैछ ।
संस्थापक समूहको ४ जना र सर्वसाधारण समूहको २ जना सञ्चालकको निर्वाचन गर्ने एजेन्डा छ । कम्पनीको प्रबन्धपत्र र नियमावलीमा संशोधन गर्ने एजेन्डा पनि छ । कुनै वित्तीय संस्थाहरु गाभ्न र गाभिन परेमा त्यस सम्बन्धी अधिकार सञ्चालक समितिलाई दिने प्रस्ताव पनि छ ।
२०७६ पुस १८ गते प्रकाशित
वि.सं.२०७६ पुस १८ शुक्रवार १६:०५ मा प्रकाशित