काठमाडौं । साताको पहिलो दिन आईतबार सेयर बजार १६ अंकले बढेको छ । सेयर बजार बढेर नेप्से परिसुचक १ हजार १८२ अंकमा पुगेको छ ।
आइतबार ७१ करोड २४ लाख रुपैयाँ बराबरको २० लाख ८२ हजार ८७४ कित्ता सेयर किनबेच भएको छ । आइतबार सेयर बजारमा हरियाली छाएको छ ।
शिवम सिमेन्ट लिमिटेडको सबैभन्दा बढी सेयर किनबेच भएको छ । शिवमको प्रतिकित्ता ४९० रुपैयाँमा ५ करोड ६२ लाख रुपैयाँको सेयर किनबेच भएको छ ।
एनआईसी एसिया बैंकको प्रतिकित्ता ४२७ रुपैयाँमा ४ करोड ३४ लाख र ग्रामिण लघुवित्त वित्तीय संस्थाको प्रतिकित्ता ३५६ रुपैयाँमा ४ करोड २१ लाख रुपैयाँको सेयर किनबेच भएको नेप्सेले जनाएको छ ।
आइतबार बैंक तथा वित्तीय संस्था,जलविद्युत,बीमा, होटल र व्यापार सबै क्षेत्रको सेयर मूल्य बढेको छ । वोमी लघुवित्त वित्तीय संस्था लिमिटेड र नेपाल ग्रामीया लघुवित्तका लगानीकर्ताले कमाएका छन ।
२०७६ पुस २० गते प्रकाशित
वि.सं.२०७६ पुस २० आइतवार १५:२३ मा प्रकाशित