काठमाडौं । इन्फिनिटी लघुवित्त वित्तीय संस्था लिमिटेडले मंगलवार (आज)देखि नगद लाभांश वितरण गर्न शुरु गरेको छ ।
कम्पनीले हितग्राही खातामा बैंक खाता नं अद्यावधिक गराएका शेयरधनीहरुको बैंक खातामा आइपीएसमार्फत लाभांश जम्मा गर्ने भएको हो ।
कम्पनीको पुस १८ गते सम्पन्न तेस्रो वार्षिक साधारण सभाले ५ प्रतिशत नगद लाभांश (कर सहित) पारित गरेको थियो । साथै, हितग्राही खातामा बैंक खाता अद्यावधिक नगराएका शेयरधनीको हकमा हितग्राही खातामा बैंक खाता अद्यावधिक भएपछि मात्र उक्त लाभांश जम्मा हुनेछ ।
बैंक खातामा लाभांश जम्मा गर्दा सम्बन्धित बैंक तथा वित्तिय संस्थाको नियमअनुसार कुनै शुल्क लाग्ने भएमा सो शुल्क शेयरधनी आफैले बेहोर्नु पर्ने समेत कम्पनीले जानकारी दिएको छ । कम्पनीको शेयर रजिष्ट्रार सनराइज क्यापिटल लिमिटेड रहेको छ ।
२०७६ पुस २२ गते प्रकाशित
वि.सं.२०७६ पुस २२ मंगलवार ०९:५२ मा प्रकाशित
