काठमाडौं । चार कम्पनीले पुस २३ गते बुधवार वार्षिक साधारण सभा गर्न लागेका छन् । एभरेष्ट बैंक, नेपाल ल्यूव आयल, अरुण भ्याली हाइड्रोपावर र आरएमडीसी लघुवित्तले साधारण सभा आयोजना गर्न लागेका हुन् ।
एभरेष्टले ५ प्रतिशत बोनस शेयर र २० प्रतिशत नगद लाभांश प्रस्तावसहित विहान ११ बजे लैनचौर ब्यांक्वेटमा सभा बोलाएको हो ।
त्यस्तै अरुण भ्याली हाइड्रोपावरले ईन्द्रेणी फुडल्याण्ड, नयाँ वानेश्वरमा विहान ११ बजे ७ प्रतिशत बोनस शेयर र शून्य दशमलव ३७ प्रतिशत नगद लाभांश प्रस्ताव सहित सभा बोलाएको छ ।
नेपाल ल्यूव आयलले ३० प्रतिशत नगद लाभांश प्रस्ताव गर्दै विहान ११ स् ३० मा याक प्यालेस पुलचोकमा सभा बोलाएको हो । आरएमडीसी लघुवित्तले भने १२ दशमलव ५ प्रतिशत १२ दशमलव ५ प्रतिशत नगद लाभांश सहित अमृतभोग, कालिकास्थानमा विहान ११ बजे सभा बोलाएको हो ।
साधारण सभा प्रयोजनका लागि एभरेष्टले पुस ४ गतेदेखि, नेपाल ल्यूव आयलले पुस १० गतेदेखि, अरुणभ्याली हाइड्रोले पुस १० गते एक दिन र आरएमडीसी लघुवित्तले पुस ११ गतेदेखि बुक क्लोज गरेको छ । बुक क्लोजको अघिल्लो कारोबारसम्म कायम शेयरधनीहरुले सभामा भाग लिन र लाभांश प्राप्त गर्न सक्नेछन् ।
२०७६ पुस २२ गते प्रकाशित
वि.सं.२०७६ पुस २२ मंगलवार १७:२० मा प्रकाशित
