काठमाडौँ । नेपाल राष्ट्र बैंकले ३६ जना कर्मचारीको बढुवा गरेको छ । बैंकले प्रशासन सेवातर्फको निर्देशक (अधिकृत प्रथम)मा ९ जना र प्रशासन सेवातर्फको उपनिर्देशक (अधिकृत द्वितीय)मा २७ जना कर्मचारीको बढुवा गरेको जनाएको छ ।
राष्ट्र बैंकले उपनिर्देशक पदमा कार्यरत कर्मचारीहरुको नेपाल राष्ट्र बैंक, कर्मचारी सेवा विनियमावली २०६८ (तेस्रो संशोधन समेत) को विनियन ५३ अनुसार ९ जनालाई निर्देशक पदमा बढुवा गरेको छ ।
त्यसैगरी, सहायक निर्देशक पदमा कार्यरत २७ जनालाई उपनिर्देशक पदमा बढुवा गरेको राष्ट्र बैंकले जनाएको छ ।बढुवाका आधारहरुको मूल्याङकन गर्दा सभ्भाव्य उमेद्वारमध्ये बढी अंक प्राप्त गर्ने कर्मचारीहरु बढुवा भएका हुन् ।
राष्ट्र बैंकका अनुसार निर्देशक पदका उमेद्वारमध्ये अन्तिम उमेद्वारले कुलमा १८८.९५ अंक र उपनिर्देशक पदका उमेद्वारमध्ये अन्तिम उम्मेद्वारले १८९.४५ अंक प्राप्त गरेको राष्ट्र बैंकले जनाएको छ ।
२०७६ पुस २३ गते प्रकाशित
वि.सं.२०७६ पुस २३ बुधवार १५:०२ मा प्रकाशित
