काठमाडौं । नेपाली बजारमा बुधबार एक हजार बढेको सुनको मुल्य आज एक हजार रुपैयाँले नै घटेको छ । बुधबार सुन तोलाको एक हजार रुपैयाँले बढेर ७६ हजार ५ सय कायम भएर ऐतिहासिक नयाँ रेकर्ड कायम गरेको थियो ।
तर, आज तोलामा एक हजार रुपैयाँले घटेर प्रतितोला ७५ हजार ५ सय रुपैयाँ पुगेको नेपाल सुनचाँदी व्यवसायी महासंघले जनाएको छ । त्यस्तै, तेजावी सुनको मुल्य ७५ हजार २ सय कायम भएको छ ।
सुनको मुल्यसँगै चाँदीको मुल्य पनि सामान्य घटेको छ । नेपाली बजारमा चाँदी तोलामा २० रुपैयाँले घटेर प्रतितोला ९ सय रुपैयाँमा कारोवार भइरहेको महासंघले जनाएको छ ।
पछिल्लो समय अमेरिका र इरानबिच टकाराव बढेकाले सुनको मुल्य घटबढ भइरहने भइरहेको छ । बिहिबार अन्र्तराष्ट्रिय बजारमा प्रतिऔंस एक हजार ५५८.१९ डलर पुगेको छ ।
२०७६ पुस २४ गते प्रकाशित
वि.सं.२०७६ पुस २४ बिहीवार ११:२० मा प्रकाशित