काठमाडौं । साताको अन्तिम दिन बिहीबार सेयर बजारमा सामान्य वृद्धि भएको छ । बुधबार ७ अंकले घटेको बजार बिहीबार ३.५१ अंक बढेको छ । बिहीबार नेप्से परिसुचक बढेर १ हजार २१३ अंकमा पुगेको छ ।
बिहीबार ८३ करोड ७० लाख रुपैयाँको बराबरको ३८ लाख ४९ हजार ७२२ कित्ता सेयर किनबेच भएको छ । सबैभन्दा बढी सिभिल बैंकको प्रमोटर सेयर किनबेच भएको छ ।
संस्थापक लगानीकर्ता इच्छाराज तामाङले सेयर बिक्री गरेका हुन । प्रतिकित्ता १०० रुपैयाँमा २० करोड १८ लाख ६६ हजार रुपैयाँको प्रमोटर सेयर किनबेच भएको छ ।
यस्तै ग्रामिण लघुवित्त वित्तीय संस्था लिमिटेडको प्रतिकित्ता ३६५ रुपैयाँमा २ करोड ३६ लाख र डिप्रोक्स लघुवित्त वित्तीय संस्था लिमिटेडको ९५७ रुपैयाँमा २ करोड २४ लाख रुपैयाँको सेयर किनबेच भएको छ ।
बिहीबार व्यापार, विकास बैंक, बीमा र लघुवित्तको सेयर मूल्य बढेको छ भने बैंक, जलविद्युत, उत्पादनमुलक क्षेत्रको घटेको छ । स्वावलम्बन, समता र घोडाघोडीलगायत १० ओटा लघुवित्त संस्थाका लगानीकर्ताले कमाएका छन ।
२०७६ पुस २४ गते प्रकाशित
वि.सं.२०७६ पुस २४ बिहीवार १५:२४ मा प्रकाशित
