काठमाडौं । एनएमबि लघुवित्त वित्तीय संस्था लिमिटेडले हकप्रद शेयरमा पूर्ण आवेदन नपरेपछि नबिकेको शेयर लिलामीमार्फत विक्री गर्न लागेको छ ।
कम्पनीले सर्वसाधारणतर्फको १ लाख ८ हजार ७३३ दशमलव १३ कित्ता शेयर लिलामीमार्फत विक्रीमा ल्याउन लागेको हो । लिलामी शेयरमा आवेदन दिनको लागि माघ ५ गतेदेखि १२ गतेसम्म अवधि तोकिएको छ ।
उक्त शेयर खरीद गर्न इच्छुक व्यक्ति कम्पनी, संघ संस्थाहरुले माघ १२ गतेभित्र बैंकको शेयर रजिष्ट्रार सनराइज क्यापिटल, एनएमबि लघुवित्त वित्तीय संस्था लिमिटेड, पोखरा तथा सनराइज बैंकको शाखा कार्यालयमा गोप्य शिलबन्दी बोलपत्र पेश गनुपर्ने छ ।
यसअघि कम्पनीले कात्तिम २४ गतेदेखि मंसिर २९ गतेसम्म हकप्रदमा आवेदन माग गरेको थियो । आवेदकहरुले लिलामी शेयरमा आवेदन दिँदा न्यूनतम १०० कित्ता र अधिकतममा सम्पूर्ण कित्ताको लागि आवेदन दिन सक्नेछन् ।
शेयरको न्यूनतम मूल्य रू. १०० तोकेको हुँदा सोभन्दा बढीको मूल्य अंकित गरी बोलकबोल गर्नुपर्ने हुन्छ । कम्पनीको विक्री प्रबन्धकमा सनराइज क्यापिटल लिमिटेड रहेको छ ।
२०७६ पुस २७ गते प्रकाशित
वि.सं.२०७६ पुस २७ आइतवार ०९:३० मा प्रकाशित