काठमाडौं । नबिल बैंकले आफ्ना व्यक्ति गत बचत कर्ता ग्राहकको हितलाई मध्यनजर गर्दै मेटलाइफ बिमा कम्पनीको सहकार्यमा तीन लाख रुपैयाँको घातक रोग बिमा तथा ७५ हजार रुपैयाँको मृत्यु बिमा सम्बन्धमा समीक्षा गरेको छ ।
यो योजना २०७५ मंसिरमा सुरुवात भएको हो । सो बिमा योजना ल्याएको एक वर्षमा कुल ८६ बचत कर्तालाई यस योजनाअन्तर्गत रकम २ करोड १ लाख ७५ हजार दाबी भुक्तानी गरेको छ ।
ग्राहकले यस योजनाको लोकप्रियता तथा यसले पु¥याएको सहयोगलाई मध्यनजर गर्दै यस योजनालाई निरन्तरता दिने निर्णयसमेत बैंकले गरेको छ ।
सो योजनाअन्तर्गत बैंकले दैनिक मौज्दात २५ हजार रुपैयाँ वा बढी राख्ने १६ देखि ६४ वर्ष उमेरको व्यक्तिगत बचत खातालाई १३ वटा घातक रोगको उपचारार्थ ३ लाख रुपैयाँको बिमा गरेको छ ।
ग्राहकको सहजतालाई आत्मसात् गर्दै उक्त १३ वटामध्ये कुनै पनि घातक रोग लागेको निवेदनउपर आवश्यक प्रमाण पूरा भएको अवस्थामा ३ लाख रुपैयाँको बिमा रकम बिनाकुनै बिल तत्काल भुक्तानी हुने व्यवस्था गरिएको छ ।
यसको अतिरिक्त बचतकर्ताको निधन भएमा ७५ हजार रुपैयाँको बिमांक रकम यो योजनाले सुरक्षित गरेको छ । समुदायमा घातक रोगको प्रभाव दिन प्रतिदिन बढ्दो क्रममा रहेकाले उपचारार्थ अत्यधिक व्ययभार पर्ने कुरालाई ध्यानमा राख्दै उपचारका क्रममा नै केही आर्थिक सहयोग पु¥याउने उद्देश्यका साथ बचतकर्ताको सुरक्षणसहित यो योजना बैंकले ल्याएको हो ।
सन् १९८४ देखि आफ्ना ग्राहकलाई समायनुकूल सेवा प्रदान गर्दै आएको बैंकको १०२ शाखा, १५३ एटीएम र १ हजार ५ सयभन्दा बढी नबिल रेमिट एजेन्ट छन् ।
साथै बैंकले देशविदेशमा एजेन्टमार्फत उच्चस्तरीय सेवा प्रदान गर्दै अघि बढ्ने विश्वास लिएको छ । मेट लाइफ इन्कको सहायक संस्था संयुक्त राज्य अमेरिकामा संस्थापित अमेरिकन लाइफ इन्स्योरेन्स कम्पनीको शाखाका रूपमा मेटलाइफ सन् २००१ देखि नेपालमा सञ्चालन भइरहेको छ ।
नेपालमा यसले व्यक्तिगत तथा संस्थागत ग्राहकलाई जीवन बिमा, दुर्घटना तथा स्वास्थ्य बिमा र सामूहिक बिमा उपलब्ध गराउँदै आएको छ ।
२०७६ पुस २८ गते प्रकाशित
वि.सं.२०७६ पुस २८ सोमवार १०:०३ मा प्रकाशित