नटराज बहुउद्देश्यीय कृषि समुहको प्रथम साधारण सभा भव्यताका साथ सम्पन्न

काठमाण्डौं । काठमाण्डौं चन्द्रागिरी नगरपालिका १२ बलम्बु स्थित नटराज बहुउद्देश्यीय कृषि समुहको प्रथम साधारण सभा नैकाप स्थित टावर फुड ल्याण्डमा शनिबार भव्यताका साथ सम्पन्न भएको छ । समुहका कार्यबाहक अध्यक्ष गोपाल प्रसाद अर्यालको अध्यक्षतामा सम्पन्न साधारण सभामा कृषि विकास शाखाका अनिल कुमार शर्माको प्रमुख आतिथ्य रहेको थियो ।

राष्ट्रिय गानका साथै प्रमुख अतिथिबाट दिप प्रज्वलन गरी उद्घाटन गरिएको सभालाई सम्बोधन गर्दै प्रमुख अतिति शर्माले कृषि विकास शाखाले हालसम्म गरेका कार्य र आगामी कार्ययोजनाका बारेमा बताउनुभयो । साथै काठमाण्डौंबासीलाई कौशि खेतीको आवश्यकता रहेको हुनाले यसमा शाखाले सहयोग गर्ने बताउनुभएको थियो ।

कृषि विकास शाखाले हिउँदे तथा वर्षे तरकारी एवं फलफुलका बिरुवा वितरण गर्ने , माटो परिक्षण गर्ने लगायतका कार्य गर्ने गरेको हुँदा सो को बारेमा जानकारी लिई प्रदान गरिने सुविधा लिन समेत अनुरोध व्यक्त गर्नुभयो ।

सभामा कोषाध्यक्षका तर्फबाट बसन्ता कुमारी के.सी.ले आर्थिक प्रतिवेदन प्रस्तुत गर्नुभएको थियो ।समुहका सचिव सुनिता सिंखडाले कार्यक्रम संचालक गर्नुका साथै वार्षिक प्रतिवेदन प्रस्तुत गर्नुभएको थियो । साधारण सभामा संस्थाका तर्फबाट कार्यसमिति सदस्य शुशिल पण्डितले समुहको विगत र वर्तमान अवस्थाका बारेमा बताउँदै स्वागत मन्तव्य व्यक्त गर्नुभएको थियो ।

नटराज बहुउद्देश्यीय कृषि समुहका सल्लाहकार रामहरी लम्साल सहित ३ सदस्यिय निर्वाचन मण्डलले गोपाल प्रसाद अर्यालको अध्यक्षतामा ९ सदस्यीय कार्यसमितिको चयन गरेको छ । जसको उपाध्यक्षमा शुशिल पण्डित, सचिवमा सुनिता सिंखडा, सह सचिवमा शुभकान्त वाग्ले, कोषाध्यक्षमा कृष्णप्रसाद सुवदी, सदस्यहरुमा बसन्ता कुमारी के.सी.,अष्टमाया श्रेष्ठ, नारायणदेवी श्रेष्ठ र रोजी तण्डुकार चयन हुनुभएको छ ।

२०७६ पुस २८ गते प्रकाशित

२०७६ पौष २८ गते ११:२० मा प्रकाशित

You can share this post!

नबिल बैंकको घातक रोग उपचार समीक्षा

सोनाम ल्होसारमा सार्वजनिक विदा दिने मन्त्रीपरिषद्को निर्णय

Related posts