२०७६ पुस २८ गते प्रकाशित
काठमाडौं । नेपाल इन्भेष्टमेन्ट बैंकले सिटी एक्सप्रेस फाइनान्स कम्पनीलाई एक्वायर गर्ने भएको छ । केही समयअघि समस्याग्रस्त संस्थाबाट मुक्त भएको सिटी एक्सप्रेसलाई नयाँ समूहले किनेर सुधार गर्दै लगेको थियो ।
बैंक र फाइनान्सबीच एक्वायर सम्बन्धि समझदारी पत्रमा हस्ताक्षर भइसकेको छ । मर्जरमा जाँदा सरकारले कर्पोरेट करमा छुट दिने स्किम ल्याएको छ । स्किमको लाभ उठाउनक लगि पनि बैंकले फाइनान्स किन्न लागेको हो ।
यसबाहेक फाइनान्सले काठमाडौंमा करिव एक दर्जन शाखा खोल्दैछ । गाभिएपछि बैंकलाई शाखा सञ्जालमा पनि फाइदा पुग्ने छ । यद्यपी फाइनान्सको खराब कर्जा केही बढि छ ।
धितोसमेत भएकाले खराब कर्जा उठाउन समस्या भने छैन । प्राप्ति समझदारी लगत्तै फाइनान्सको शेयर कारोबार रोक्का भएको छ ।
वि.सं.२०७६ पुस २८ सोमवार १३:१० मा प्रकाशित