सेयर बजार ७.४८ अङ्‌कले ओरालो लाग्यो

काठमाडौं । पुँजी बजार मापक नेप्से साताको तेस्रो कारोबार दिन आज (मङ्गलबार) ७.४८ अङ्कले ओरालो लागेको छ । आज जीवन बिमा कम्पनी समूहको सूचक सबैभन्दा बढी ५१.६६ अङ्कले घट्न पुग्यो ।

साथै, निर्जीवन बिमा कम्पनी समूहको सूचक पनि ४८.८ अङ्कले र बैंकिङ समूहको सूचक १०.३६ अङ्कले घट्न पुग्यो । उक्त दिन कूल १२ समूहमध्ये ५ समूह (टेड्रिङ, अन्य, फाइनान्स, विकास बैंक र होटल समूह) को सूचक बढेको छ भने ७ समूहको सूचक घट्न पुग्यो।

नेप्से घटेर १२६३.३८ अङ्कमा आइपुगेको छ । उक्त दिन १ अर्ब २ करोड ६४ लाख ४३ हजार रुपैयाँ बराबरको सेयर किनबेच भयो। यो अघिल्लो दिन भन्दा निकै कम हो । अघिल्लो दिन १ अर्ब ७० करोड ५० लाख ६० हजार रुपैयाँ बराबारको सेयर किनबेच भएको थियो ।

आज प्रभु बैंकको संस्थापक सेयर सबैभन्दा बढी ११ करोड ४३ लाख रुपैयाँ बराबरको सेयर कारोबार भएको छ । दोस्रो बढी रकमको कारोबार नागरिक लगानी कोषको सेयर भएको छ। उक्त कोषको ७ करोड २२ लाख रुपैयाँ बराबरको सेयर कारोबार भएको छ ।

तेस्रो बढी कारोबार हुनेमा एनआइसी एसिया बैंकको सेयर रहेको छ । उक्त बैंकको २ करोड ८६ लाख रुपैयाँ बराबरको सेयर कारोबार भएको छ ।

२०७६ पुस २९ गते प्रकाशित

२०७६ पौष २९ गते १५:३६ मा प्रकाशित

You can share this post!

जलविद्युत् कम्पनीको निर्णय : १ अर्ब ३२ करोड नगद लाभांश दिने

वाग्मतीबाहेक सबै प्रदेशमा सार्वजनिक बिदा

Related posts