काठमाडौं । नेपाल बैंक लिमिटेडले १० प्रतिशत नगद लाभांश शेयरधनीहरुको बैंक खातमा जम्मा गरेको छ । बैंकले पुस २५ गतेदेखि हितग्राही खातामा बैंक खाता अद्यावधिक गरेका शेयरधनीहरुको बैंक खातामा उक्त लाभांश जम्मा गरेको हो ।
बैंकको पुस २५ गते सम्पन्न ६० औं वार्षिक साधारण सभाले १५ प्रतिशत बोनस र १० प्रतिशत नगद लाभांश वितरण गर्ने प्रस्ताव पारित गरेको थियो ।
हितग्राही खातमा बैंक खाता नं अद्यावधिक नगराएका शेयरधनीहरुलाई बैंक खाता अद्यावधिक गराइ शेयर अभौतिकीकरण गर्न समेत बैंकले अनुरोध गरेको छ । बैंकको शेयर रजिष्ट्रार सिभिल क्यापिटल मार्केट लिमिटेड रहेको छ ।
२०७६ माघ ०१ गते प्रकाशित
वि.सं.२०७६ माघ १ बुधवार १०:१८ मा प्रकाशित
