काठमाडौं । बुधवार नेपाल स्टक एक्सचेञ्ज(नेप्से)मा ग्लोबल आइएमई बैंकको शेयर सूचीकृत भएको छ । ग्लोबल आइएमई बैंक र जनता बैंक एकआपसमा मर्जर पछिको ७ करोड २० लाख ८७ हजार ८१ दशमलव १८ कित्ता शेयर सूचीकृत भएको हो ।
ग्लोबल र जनता बैंकविच जनता बैंकको १०० कित्ता शेयर बरावर ग्लोबल आइएमई बैंकको ८५ कित्ता शेयर आदानप्रदान हुने गरी बैंक मर्जर भएको थियो ।
मर्ज भइ एकीकृत कारोबार शुरु भएको झण्डै डेढ महीनापछि जनता बैंकको शेयर ग्लोबल आइएमई बैंकको नामबाट नेप्सेमा सूचीकृत भएको हो । लगानीकर्ताको खातामा शेयर आएपछि दोस्रो बजारमा कारोबार हुनेछ ।
२०७६ माघ ०१ गते प्रकाशित
वि.सं.२०७६ माघ १ बुधवार १६:२३ मा प्रकाशित