काठमाडौं । आइतवार सार्वजनिक विदा दिने मन्त्रीपरिषद्ले निर्णय गरेको छ । माघ ५ गते अर्थात आइतवार बलिदानी दिवसको अवसर पारेर प्रदेश २ सरकारले सार्वजनिक विदा दिने भएको हो ।
अघिल्लो बिहीबार बसेको प्रदेश २ सरकारको मन्त्रीपरिषद् बैठकले बलिदानी दिवसको अवसरमा वीरगञ्जमा विशेष समारोहको आयोजना गरिने सरकारका प्रवक्ता एवं आन्तरिक मामिला तथा कानूनमन्त्री ज्ञानेन्द्र यादवले जानकारी दिए ।
समारोहमा बिभिन्न दलका शिर्षस्थ नेताहरुलाई समेत आमन्त्रणा गरी बोलाइनेछ भने मधेश आन्दोलनका शहीद परिवार तथा घाइतेहरुलाई सम्मान गरिने निर्णय गरेको उनले बताए ।
प्रदेश सरकारले गत वर्ष बलिदानी दिवस सिराहाको लहानमा मनाएको थियो । बैठकले रुपन्देहीका ईन्द्र प्रसाद पछाईलाई प्रदेश वन निर्देशनालयको निमित्त निर्देशकमा खटाएको छ ।
बैठकले प्रदेश पदक निमावली स्वीकृत, प्रदेश चलचित्र निर्माण, प्रदर्शन एवं वितरण अवधारणापत्र स्वीकृत गर्ने निर्णय पनि गरेको छ ।
२०७६ माघ ०३ गते प्रकाशित
वि.सं.२०७६ माघ ३ शुक्रवार ०९:०३ मा प्रकाशित