काठमाडौं । चार कम्पनीहरुले नगद लाभांश शेयरधनीहरुको बैंक खातामा जम्मा गर्ने व्यवस्था गरेको छ । समता लघुवित्त, गुडविल फाइनान्स, विजय लघुवित्त र मञ्जुश्री फाइनान्सले नगद लाभांश जम्मा गर्ने व्यवस्था गरेको हो ।
चारवटै कम्पनीहरुले पुस २९ गतेसम्म हितग्राही खातामा बैंक खाता अद्यावधिक गराएका शेयरधनीहरुको बैंक खातामा सो लाभांश जम्मा गर्न लागेको हो ।
समता लघुवित्तले गत पुस २९ गते छैठौँ वार्षिक साधारण सभाबाट पारित गरेको ५.५२ प्रतिशत नगद लाभांश बैंक खातामा जम्मा गर्नेछ ।
त्यसैगरी, गुडविल फाइनान्सले गत आर्थिक वर्षको मुनाफाबाट १० प्रतिशत, विजय लघुवित्तले ५ प्रतिशत र मञ्जुश्री फाइनान्सले ९.८० प्रतिशत नगद लाभांश शेयरधनीहरुको बैंक खातामा जम्मा गर्नेछ ।
यी चारवटै कम्पनीहरुको शेयर रजिष्ट्रार एनआईबिएल एस क्यापिटल लिमिटेड रहेको छ ।
२०७६ माघ ०६ गते प्रकाशित
वि.सं.२०७६ माघ ६ सोमवार ०९:५१ मा प्रकाशित
