काठमाडौं । उपसभामुख डा.शिवमाया तुम्बाहाङ्फेले संसद बैठक अगाडि राजीनामा दर्ता गराउने तयारी भएको छ ।
दिउँसो एक बजे संसद बैठक बोलाइएकाले त्यस अगाडि नै राजीनामा बुझाइने उपसभामुखका सञ्चार विज्ञ संयोजक शेखर अधिकारीले बताए । उपसभामुखको राजीनामा संसद बैठक बढेर सुनाउने र सभामुख चयन प्रक्रिया अगाडि बढाउने तयारी भएको छ ।
बलात्कार प्रयासको अभियोगमा कृष्णबहादुर महराले राजीनामा दिएपछि सभामुख पद रिक्त छ । तर, सत्तारुढ दल नेपाल कम्युनिष्ट पार्टी (नेकपा) ले सभामुख नछोड्ने भए पछि उपसभामुख तुम्बाहाङ्फेले राजीनामा दिने भएकी हुन् ।
उसभामुखको राजीनामा पछि सभामुख पदमा नेकपाले अग्नी सापकोटालाई उम्मेद्वार बनाउने निर्णय गरेको छ ।सभामुख र उपसभामुख दुवैले राजीनामा दिए पछि जेष्ठ सदस्य महन्थ ठाकुरले बैठक सञ्चालन गर्नेछन् ।
उपसभामुख तुम्बाहाङ्फेले संसद बैठक पछाडि पत्रकार सम्मेलन गर्ने भएकी छन् ।
२०७६ माघ ०६ गते प्रकाशित
वि.सं.२०७६ माघ ६ सोमवार ११:५२ मा प्रकाशित
