सरकारी कर्मचारीले सम्पत्ति विवरण बुझाउनु नपर्ने

काठमाडौं । सरकारले सार्वजनिक पदमा रहेका व्यक्तिले नियुक्त भएको र वर्षेनी आर्थिक वर्ष सकिएको ६० दिनभित्र सम्पत्ति विवरण बुझाउनुपर्ने बाध्यकारी व्यवस्था हटाउन लागेको छ ।

सार्वजनिक पद धारण गरेका व्यक्तिले हरेक वर्ष सम्पत्ति विवरण बुझाउनुपर्ने भ्रष्टाचार निवारण ऐन २०५९ को बाध्यकारी व्यवस्थालाई संशोधन विधेयकमा खुकुलो बनाउँदै सरकारको स्वविवेकभित्र राखिएको छ ।

विधेयकमा सरकारले तोकेको खास समय र खास तहका व्यक्तिले मात्र सम्पत्ति विवरण बुझाए पुग्ने भनिएको छ ।ऐनको दफा ५० को सम्पत्ति विवरण बुझाउनुपर्ने बाध्यकारी व्यवस्थालाई परिमार्जन गर्न प्रस्ताव गर्दै विधेयकमा ‘अनुसन्धान अधिकारीले नेपाल राजपत्रमा सूचना प्रकाशन गरी खास तह, समूह, निकाय वा संस्थामा कार्यरत राष्ट्रसेवकलाई आफ्नो वा आफ्नो परिवारका नाममा रहेको सम्पत्तिको स्रोत वा निस्सासहितको अद्यावधिक विवरण कुनै खास–खास अवधिमा पेस गर्नुपर्ने वा पेस गर्नु नपर्ने गरी तोक्न सक्नेछ’ भन्ने प्रावधान राखिएको छ । कान्तिपुर दैनिकले खबर छापेको छ ।

२०७६ माघ ९ गते ०७:०२ मा प्रकाशित

You can share this post!

प्रधानमन्त्रीको निर्देशनपछि सुधार हुँदै काठमाडौंको सडक

खुम्च्याइँदै अख्तियारको क्षेत्राधिकार : भ्रष्टाचारको उजुरी छानबिनमा ५ वर्षे हदम्याद

Related posts