काठमाडौं । साताको अन्तिम दिन सेयर बजार १५.९७ अंकले घटेको छ । बजार घटेर बिहीबार नेप्से परिसुचक १ हजार २९७ अंकमा झरेको छ । बढ्दै गएको सेयर बजार यो सातादेखि घट्न थालेको हो ।
बजार घटे पनि १ अर्ब ३८ करोड ४२ लाख रुपैयाँ बराबरको ३७ लाख ५४ हजार ५२१ कित्ता सेयर किनबेच भएको छ । नेपाल लाइफ इन्स्योरेन्स कम्पनी लिमिटेडको सबैभन्दा बढी सेयर कारोबार भएको छ ।
नेपाल लाइफको प्रतिकित्ता १ हजार १०० रुपैयाँमा १८ करोड ४० लाख रुपैयाँको सेयर किनबेच भएको छ । यस्तै ग्लोबल आईएमई बैंकको प्रतिकित्ता २९६ रुपैयाँमा १५ करोड १५ लाख र नेपाल बैंकको २७९ रुपैयाँमा ५ करोड ७९ लाख ८६ हजार रुपैयाँ बराबरको सेयर किनबेच भएको छ ।
बिहीबार जीवन बीमा बाहेक सबै परिसुचक घटेको छ । बजार घटे पनि सिनर्जी पावर डेभलपमेन्ट कम्पनीका लगानीकर्ताले कमाएका छन ।
२०७६ माघ ०९ गते प्रकाशित
वि.सं.२०७६ माघ ९ बिहीवार १५:०२ मा प्रकाशित
