काठमाडौं । सानिमा बैंकले नाफा १६.८४ प्रतिशत बढाएको छ । चालु आर्थिक वर्षको ६ महिनामा बैंकले १ अर्ब १४ करोड ७४ लाख रुपैयाँ खुदनाफा गरेको छ ।
अघिल्लो वर्षको सोही अवधिमा बैंकले ९८ करोड २० लाख रुपैयाँ नाफा गरेको थियो । बैंकले शुक्रबार सार्वजनिक गरेको वित्तीय विवरणमा अघिल्लो वर्षको तुलनामा यो वर्ष नाफा १६ करोड ५४ लाख रुपैयाँ बढेको उल्लेख छ ।
कर्जाको माग कम भएको नाफा वृद्धिमा कमी आएको बैंकले जनाएको छ । ६ महिनामा गरेको नाफाबाट बैंकले सेयरधनीलाई ९५ करोड रुपैयाँ लाभांश बाड्न सक्ने देखिएको छ ।
बैंकको प्रतिसेयर आम्दानी २६ रुपैयाँ १५ पैसा र प्रतिसेयर नेटवर्थ १३९ रुपैयाँ छ । समीक्षा अवधिमा बैंकले २१ करोड ८२ लाख रुपैयाँ पुरानो ऋण उठाएको छ ।
बैंकको निष्क्रिय कर्जा बढेर ०.४१ प्रतिशत पुगेको छ । यस्तै निक्षेप लागत ७.३३, सीसीडी ७८, आधारदर ९.२९, स्प्रेडदर ४.१७ प्रतिशत छ । बैंकको सञ्चित कोषमा २ अर्ब ४२ करोड रुपैयाँ छ ।
२०७६ माघ १० गते प्रकाशित
वि.सं.२०७६ माघ १० शुक्रवार ०८:५३ मा प्रकाशित