काठमाडौं । लगानी सहजकताका लागि हाल कार्यान्वयनमा रहेको एकद्धार प्रणाली भन्सार जाँचपासको प्रक्रिया पनि त्यस्तै प्रणाली प्रयोग गरिने भएको छ ।
सन २०१३ मा यस्तो प्रणाली लागू गर्न विश्व बैंक र नेपाल सरकारविच सम्झौता भए पनि विगत केही महिनायता मा यसको कार्यान्वयनका लागि तयारी अगाडि बढेको हो ।
नोपल राष्ट्रिय एकद्धार प्रणाली ना दिइएको यो प्रणालीअन्तर्गत निर्माण हुने बेव पोर्टलमार्फत व्यापारीले आफूसंग सम्वन्धित कागजात अनलाइनमै पेस गर्नसक्ने छन । त्यसरी पेस गरिएको कागजात र त्यसंग सम्वन्धित विवरण यसमा आवद्ध निकायहरुले समेत प्राप्त गर्न सक्ने छन ।
फरकफरक निकायहरुलाई कागजात बुझाउनुपर्ने बाध्यताबाट यो नयाँ प्रणालीले व्यापारीलाई निकै सहयोग पुग्ने विभागका महानिर्देशक सुमन दाहालले बताउनुभयो । यसले व्यवसायिक लागत कम गराई आपूर्ति हुने बस्तुको मूल्य घटाउन सहयोग पुर्याउने छ, उहाँले भन्नुभयो । दुर्य वर्षभित्र कार्यान्वयनमा ल्याउने योजनाअनुसार नेपाल राष्ट्रिय एकद्धार प्रणाली आयोजना कार्यान्वयन इकाई गठन गरेको छ ।
अहिलेसम्म भन्सारसंग सम्वन्धित निकायको पहिचान र त्यस्ता संस्थासंग चरणवद्ध रुपमा छलफलको काम भइरहेको दाहाले बताउनुभयो । यो प्रणाली पूर्णरुपमा कार्यान्वयनमा आएपछि भन्सारमा एक किसिमको चमत्कार नै हुने उहाँको भनाई छ । गोरखापत्र दैनिकमा खबर प्रकाशित छ ।
२०७६ माघ १२ गते प्रकाशित
वि.सं.२०७६ माघ १२ आइतवार ०७:११ मा प्रकाशित