काठमाडौं । कञ्चन डेभलपमेण्ट बैंक र कैलाश विकास बैंकले शेयरधनीको बैंक खातामा नगद लाभांश जम्मा गरी दिएका छन् ।
कञ्चन डेभलपमेण्ट बैंकले माघ ३ गतेसम्म हितग्राही खातामा बैंक खाता खातामा बैंक खाता अद्यावधिक गराएका शेयरधनीको बैंक खातामा ६ प्रतिशत लाभांश (कर सहित) जम्मा गरेको हो । बैंकको पुस २९ गते सम्पन्न दशौं वार्षिक साधरण सभाले उक्त लाभांश पारित गरेको हो ।
त्यस्तै, कैलाश विकास बैंकले पुस २९ गतेसम्म हितग्राही खातामा बैंक खाता अद्यावधिक गराएका शेयरधनीको बैंक खातामा २ दशमलव ७७ प्रतिशत नगद लाभांश (कर सहित) जम्मा गरेको हो । बैंकको पुस २५ गते सम्पन्न २६ औं साधारण सभाले उक्त लाभांश पारित गरेको हो ।
हालसम्म पनि शेयर प्रमाणपत्र अभौतिकीकरण नगराएका शेयरधनीहरुलाई यथाशिघ्र आफ्नो शेयर प्रमाणपत्र अभौतिकीकरण गरी बैंक खाता समेत अद्यावधिक गर्न दुवै बैंकले अनुरोध गरेका छन् ।
साथै, कञ्चन डेभलपमेण्ट बैंकको शेयर पुस १३ गतेसम्म र कैलाश विकास बैंकको पुस ९ गतेसम्म धितो बन्धक राखी कर्जा लिएका शेयरधनीहरुले नगद लाभांश सम्बन्धित बैंक तथा वित्तीय संस्थाबाट नो अबजेक्सन लेटर प्राप्त भएपछि मात्र जम्मा हुने र सो मिति पश्चात कर्जा चुक्ता गरेका शेयरधनीहरुको हकमा भने सम्बन्धित बैंक तथा वित्तीय संस्थाबाट फुकुवा पत्र पेश गरेपछि मात्र उक्त लाभांश खातामा जम्मा हुने बैंकको सूचनामा उल्लेख छ । दुवै बैंकको शेयर रजिष्ट्रारमा ग्लोबल आइएमई क्यापिटल लिमिटेड रहेको छ ।
२०७६ माघ १३ गते प्रकाशित
वि.सं.२०७६ माघ १३ सोमवार १०:१३ मा प्रकाशित
