काठमाडौं । जागिर खानेहरुको लागि सुनोलो अवसर सृजना भएको छ । एक सूचना जारी गर्दै सनराइज बैंकले प्लस टु उत्तीर्णसहित मध्यम तहको ब्यवस्थापनमा कर्मचारी माग गरेको छ । बैंकले प्रदेश कार्यालयमा ब्यवसाथापन तहमा तीनजना कर्मचारी माग गरेको छ ।
यसका लागि १० वर्षको अनुभव अनिवार्य छ । त्यसमध्ये पनि ५ वर्ष शाखा ब्यवस्थापनमा बसेर काम गरेको हुनु पर्ने छ । शैक्षिक योग्यता स्नातकोत्तर अनिवार्य गरिएको छ ।
बैंकले प्रमुख आन्तरिक लेखापरीक्षकमा एक जना चार्टर्ड एकाउन्टेन्ट माग गरेको छ । यसमा पाँच वर्षको अनुभव आवश्यक छ ।
बैंकले सुपरभाइजर तथा जुनियर अफिसर स्तरका केही लेखा परीक्षक पनि माग गरेकोछ । चार्टर्ड एकाउन्टेन्टको अनुभव एक वर्षको हुनु पर्ने छ ।
यसैगरी सूचनाप्रविधि विभागमा एकजना ब्यवस्थापन तहमा कर्मचारी चाहिएको बैंकले जनाएको छ । बैंकले अफिसर स्तरमा केही शाखा प्रबन्धक पनि खोजेको छ ।
यसका लागि ४ वर्षको अनुभव आवश्यक छ। बैंकले रिलेसनसिप म्यानेजर तथा अपरेसन इन्चार्ज भनेर सुपरभाइजरदेखि सिनियर अफिसर तहसम्म केही कर्मचारी माग गरेको छ ।
यसका लागि ४ वर्षको अनुभव चाहिन्छ । कम्तिमा प्लस टु उत्तीर्ण गरेको हुनु पर्ने छ । आवेदन बैंकको वेबसाइटमा गएर दिन सकिन्छ ।
यसैगरी नेपाल पुनर्बीमा कम्पनी लिमिटेडले पनि केही ट्रेनी कर्मचारी माग गरेको छ । कम्पनीले म्यानेजमेन्ट ट्रेनी ३ जना, ट्रेनी असिस्टेन्ट ३ जना र कानुनतिरको अर्को ट्रेनी असिस्टेन्ट एकजना माग गरेको छ ।
२०७६ माघ १५ गते प्रकाशित
वि.सं.२०७६ माघ १५ बुधवार ०६:५३ मा प्रकाशित