काठमाडौँ । बुधबार सेयर बजार ०.२७ विन्दुले घटेको छ । नेडेप लघुवित्त वित्तीय संस्थाको सेयरमा लगानीकर्ता आकर्षित हुँदा कारोबार उच्च भएको छ ।
बुधबार नाडेप लघुवित्त कम्पनीको ६ करोड ३८ लाख ७६ हजार ३ सय ७३ रुपैयाँ बराबरको कारोबार भएको छ । यस संस्थाको क्लोजिङ प्राइस ७ सय ६२ रुपैयाँ रहेको छ ।
नेप्सेमा बुधबार १ अर्ब ९३ करोड ७ लाख ११ हजार ३ सय ८३ रुपैयाँ बराबरको कारोबार भएको छ भने २८ लाख ७८ हजार ४ सय ५२ कित्ता सेयरको किनबेच भएको छ ।
बुधबार सूचीकृत विभिन्न ८ ओटा समूहको कारोबारमा गिरावट आएको छ । सबैभन्दा बढी म्युचुअल फण्डको कारोबारमा गिरावट आएको छ ।
म्युचुअल फण्डको कारोबार १.३८ प्रतिशतले घटेको नेप्सेले जनाएको छ । ट्रेडिङ, होटेल, निर्जीवनबीमा कम्पनी, लघुवित्त कम्पनी लगायतको कारोबार बढेको छ ।
२०७६ माघ १५ गते प्रकाशित
वि.सं.२०७६ माघ १५ बुधवार १५:२९ मा प्रकाशित