काठमाडौं । शिक्षा सेवा अन्तर्गत रहेका कर्मचारीलाई प्रशासन सेवाभित्र गाभेर सञ्चालन गर्ने तयारी भएको छ । शिक्षा विज्ञान तथा प्रविधि मन्त्रालयले यही राय सहितको पत्र संसदको राज्य व्यवस्था तथा सुशासन समितिलाई लेखेको छ ।
मन्त्रीस्तरिय निर्णय अनुसार लेखिएको पत्रमा मुलुक संघीय संरचनामा गइएसकेपछि प्रदेश र स्थानीय स्तरमा अधिकांस कर्मचारीको पदमिलान र समायोजन भइसकेकोल शिक्षा सेवा राखिरहनुपर्ने औचित्य नभएको पत्रमा उल्लेख छ ।
मुलुक संघीय संरचनामा गएसंगै शिक्षाका अधिकांस कर्मचारी स्थानीय तहमा समायोजन भएर गइसकेका छन् । सहसचिव दीपक शर्माका अनुसार अहिले नेपाल शिक्षा समूह र सो अन्तर्गतका उप समूह अन्तर्गत ५ सय १५ दरवन्दी र १ सय १५ पुल दरवन्दी कायम छ ।
मन्त्रालयले लेखेको पत्र कार्यान्वयन भएमा अबदेखि शिक्षा सेवा नेपाल प्रशासन सेवा अन्तर्गत रहनेगरि शिक्षा उप समूहका नाममा नयाँ कर्मचारी भर्ना गरिनेछ ।
तर नयाँ कर्मचारी पदपूर्तिका लागि उपसचिव सम्मको तहको लागि अहिले जस्तो योग्यता आवश्यक पर्छ सोहीलाई कायम गरिने शर्माले बताए ।
२०७६ माघ १५ गते प्रकाशित
वि.सं.२०७६ माघ १५ बुधवार १७:३१ मा प्रकाशित
