काठमाडौं । आज सार्वजनिक बिदा दिएको छ । माघ १६ गते पर्ने सहिद दिवसको अवसरमा तनहूँको व्यास नगरपालिकाले सार्वजनिक बिदा दिने घोषणा गरेको छ ।
केही वर्षअघिसम्म सरकारले नै सहिद दिवसको दिन सार्वजनिक बिदा दिने गरेको थियो। तर, हाल यो बिदा कटौति गरिएको छ ।
व्यास नगरपालिकाले सहिदको सम्झनामा बिदा दिने निर्णय गरेको प्रमुख प्रशासकीय अधिकृत दिनेशराज पन्तद्धारा जारी विज्ञप्तिमा ल्लेख छ ।
‘सहिदको सम्मान स्वरुप माघ १६ गते यस नगरपालिका अन्तर्गतका सम्पूर्ण वडा कार्यालयहरु, स्वास्थ्य संस्था तथा सम्पूर्ण सामुदायिक तथा निजी शैक्षिक संस्थाहरुमा सार्वजनिक बिदा दिने निर्णय भएको छ,’ विज्ञप्तिमा भनिएको छ ।
नगरपालिकाले प्रत्येक वर्ष व्यास(५ मानहूँकोटदेखि ८ नम्बर वडाको पुलिमराङसम्म खुला अल्ट्रा म्याराथन प्रतियोगिता आयोजना गर्दै आएको छ। यो प्रतियोगिता यसवर्ष पनि आयोजना हुने नगरपालिकाले जनाएको छ ।
२०७६ माघ १६ गते प्रकाशित
वि.सं.२०७६ माघ १६ बिहीवार ०६:४५ मा प्रकाशित