एभरेष्ट बैंकबैंकले कमायो ६ महिनामा १ अर्ब ५० करोड

काठमाडौं । चालु आर्थिक वर्षको दोस्रो त्रैमाशमा एभरेष्ट बैंकको नाफा सामान्य वृद्धि भएको छ । ६ महिनामा एभरेष्टले ५.५८ प्रतिशत मात्र नाफा बढाएको छ । पुससम्म बैंकले १ अर्ब ५० करोड ९८ लाख रुपैयाँ खुदनाफा गरेको छ ।

अघिल्लो वर्षको सोही अवधिमा बैंकले १ अर्ब ४२ करोड ९९ लाख रुपैयाँ खुदनाफा गरेको थियो । गत आर्थिक वर्षको तुलनामा चालु आर्थिक वर्षमा बैंकले ८ करोड रुपैयाँ मात्र नाफा बढाएको छ । सो नाफाबाट बैंकले सेयरधनीलाई ८६ करोड ४९ लाख रुपैयाँ लाभांश बाँड्न सक्ने छ ।

६ महिनामा बैंकको खुदब्याज आम्दानी बढेर २ अर्ब ९० करोड रुपैयाँ पुगेको छ । अघिल्लो वर्षको सोही अवधिमा बैंकले २ अर्ब ६७ करोड रुपैयाँ खुदब्याज आम्दानी गरेको थियो ।

बैंकको निष्क्रिय कर्जा घटेर ०.१६, निक्षेप लागत ६.४४, सीसीडी ७५, स्प्रेडदर ५.३३ र आधारदर ८.४६ प्रतिशत छ । बैंकको सञ्चित कोषको आकार बढेर ७ अर्ब २६ करोड रुपैयाँ पुगेको छ ।

२०७६ माघ १६ गते प्रकाशित

२०७६ माघ १६ गते ०९:४९ मा प्रकाशित

You can share this post!

१ हजार मेगावाट विद्युत् केन्द्रीय प्रसारण लाइनमा जोडिँदै, बढी भएको विद्युत् भारतमा बिक्री गरिने

साउनामा नुहाउन गएका पूर्वमन्त्रीका पीए दम्पतीको निस्सासिएर मृत्यु

Related posts